El Ríu Negru/Ríu Nigru

Les agües y tierres d'esti Valle, ye la nuesa hestoria y pollo queremos curialo y caltenelo con vida.

El valle del Río Negru/Ríu Nigru sufrió como pocos otros les consecuencies ambientales negatives del desenvolvimientu mineru. Nuna primer etapa, poles esplotaciones de les empreses Hulleres nes localidaes de Güeria, La Campueta y los Pontones (Valle del Ríu de Cervigao), y darréu colos conocíos "chamizos" o minería privada que se desenvuelvo nos puertos del Rasón y La Carisa.

El río Negru/ríu Nigru del que toma agües el Molín d'Adela, foi un ríu negru de carbón", hasta va pocos años, por razón de los llavaderos y de los depósitos-escombreres de carbón, qu'amás d'enturbiar les agües dexaben unes folles conocíes por islam". Na actualidá, una vegada recuperada en parte, la calidá de les sos agües y polos sos valor ambientales foi oxetu de la mayor protección ambiental a nivel européu, al incluyise na REDE NATURA 2000, como LIC, (Llugar d'Importancia Comuñal).

Ensin el ríu nun esistiría'l molín y pollo l'Asociación "Molín d'Adela", tien declaráu ente los sos oxetivos o fines, nel so Art. 2, los siguientes:

• Estender l'ámbitu de conocencia y protección del Molín a la so redolada natural y en particular al Ríu, que dexó la vida del molín, el denomináu Río Negru/Ríu Nigru.
• Favorecer actividaes destinaes a dar a conocer la fonda relación ente'l ríu, el territoriu-paisaxe y la sociedá.
• La participación y el desenvolvimientu d'acciones de too tipu, de protección del mediu ambiente y d'educación ambiental, polo xeneral o la de dalgún de los sos elementos en particular.

Ye voluntá de los miembros de l'asociación "Molín d'Adela", establecer contactos con asociaciones de calter estatal tales como "Fundación pa la Nueva cultura de l'agua" y "Ríos con Vida", de cara a poder integrar les sos propuestes ambientales y les sos guíes educatives, nos itinerarios y visites al molín.

Anguaño trabayamos na ellaboración de distintes propuestes pa ser alzaes a les Alministraciones competentes, que van tratar sobre:

1. Adecuación d'un pequenu senderu piatonal dientro del pueblu de Güeria, con una mínima intervención, na marxe opuesta al Molín, (marxe derecha del ríu), que vendría xustificada en:
   • La recuperación del únicu accesu llibre y públicu al ríu dende l'interior del núcleu rural.
   • La recuperación del camín tradicional denomináu "Camín de la Fonte del Sarañan", de la que se suministró'l pueblu antes de disponer de la rede d'agües municipal.
   • La recuperación de lo qu'en términos xeográficos viénose en denominar "llugar", como espaciu de referencies culturales, al tratase de la zona y piedres del ríu que les muyeres del pueblu utilizaben pa llavar la ropa.
   • Tresformar un espaciu qu'agora se presenta como "residual", nun espaciu natural que dexe la contemplación d'esi tramu del ríu. Esta sienda tendría continuación cola escalera piatonal que'l conceyu realizó como accesu al campu de la Escuela y de la Capiya.
   • La recuperación de la fonte o manantial y la restauración de la fonte cola so espaldera en piedra.
2. Solicitar que pa tol valle del Ríu Negru contemplar pol Principáu d'Asturies, una rede de saneamientu y depuración, de la qu'escarez anguaño, evitando los arramaos directos al ríu. Esta actuación vendría respondida por y esixida pola declaración del mesmu como LIC.
3. Trabayar na ellaboración d'una propuesta pa la recuperación de los molinos del Ríu de Cervigao, dada la vinculación espaciu-temporal esistente ente esti molín y los citaos al tratase d'un afluente del ríu negro y ayudar polos trabayos realizaos hasta la fecha y que fueron presentaos nes VIII Xornaes Internacionales Incuna: "Arquitectures, Ingenierias y Cultures de l'Agua", sol títulu de: Los molinos hidráulicos nel valle de Cervigao. Conceyu d'Ayer. Asturies y siendo autores del mesmu María del Mar Díaz Alonso y José Manuel Díaz Alonso. Esta propuesta podría contemplar l'ampliación de l'actual Sienda Verde del Ríu Negru, conectando al altor del Planón, nel pueblu de La Maravía, utilizando un vieyu camín piatonal d'accesu al Valle de Cervigao, qu'escurre pela marxe derecha del ríu.
4. Estudiar y ellaborar una guía de la toponimia relativa al pueblu y a les zones de cultivu agrícola y forestal más próximes al pueblu de Güeria.