Senderismo

La ruta Les Fuentes

Distancia: 12,8 km

Tiempo estimado de duración: 4h 40 min. PR.AS-133

Casas

Santibáñez de Murias ye'l puntu de partida al llau del Molín del Ríu y de la fonte Visu. Dende equí emponemos escontra la carretera xeneral y, superando en sentíu descendente esti núcleu, bien llueu hemos de tomar la pista que surde a la derecha de la marcha. La mesma conduznos a Villar y, pasada esta aldega, vamos baxar pela so carretera d'ascensu, tomando a la derecha el camín real que crucia nuevamente la carretera AE-3. Per debaxo y paralelos a la mesma, vamos baxando llixeramente hasta cruciar nuevamente la mesma carretera. Nesi puntu hemos de tomar el carril que nos avera a la localidá de Murias.

Siguimos cola nuesa meyora pol reborde cimeru de Murias pasando al llau de la fonte La Republicana y, más palantre, pela redoma de la ermita de San Andrés. El camín cinxíu a la fastera del cordal supera la fastera hasta presentanos nel cruceru de Casa Antón. Nesta bifurcación una de les variantes del senderu baxa a Nembra por Omeal, Enfistiella y El Oteru, ente que'l camín orixinal prosigue a media fastera escontra l'aldega de Arnizo.

Dende Arnizo la marcha empecipia una nidia remontada que remata en Varar. A partir d'esta nueva encruciada vamos baxar hasta enllanar polos remotu llugares de Almerín y Los Corros. Superáu ésti, bien llueu vamos conectar cola carretera d'accesu a Los Eros. De manera optativa averaremos a esti asentamientu pa retornar nuevamente al llugar de la momentanea esviadura. Una vegada nél, empobinamos hasta algamar El Cabanón, a esti caserío asocéde-y El Carbayiru y, más palantre, Huertomuro, onde s'alcuentra una de les fontes de la ruta.

Aportunando nel nuesu aproximamientu a Morea, siguimos cola marcha con aldu al poniente cruciando polos asentamientos de -yos Fureres y El Pasauriu. A El Pasauriu, llugar que delimita les parroquies de Nembra y Morea, asocéde-y Pedreo, tres el cual y con nidiu desnivel, el camín avéranos a Agüeria, (puede visitase el Molin d'Adela) núcleu urbanu próximu a Morea. Degolada la so ilesia, encetamos el camín denomináu La Tablera, que sigue paralelu a la marxe derecha del ríu Negru hasta qu'apaez la área recreativa de L'Arenuca, onde s'alluga'l panel de la marcha y puntu final de la ruta.

Sienda Verde del ríu Negru

Distancia: 2 km

Tiempo estimado de duración: 35 min.

Grisú

Esta sienda puede empecipiase en puntos distintos: en Moreda, nel pueblu de San Miguel (ponte de La Campueta) o en La Maravía.

Traviesa'l pueblu de Güeria, aprovechando les víes d'un antiguu trazáu de ferrocarril mineru, nun ambiente natural y de tranquilidá, qu'escurre ente praos y col ríu no fondero del valle, con precioses vistes del monte de castañales y de los altos cumes de monte.

Siguiendo'l percorríu de la sienda pueden trate los edificios ya instalaciones qu'entá se caltienen de la minería de carbón, na zona de La Campueta, El Planón en La Maravía, pertenecientes a la empresa minera Sociedá Industrial Asturiana y reconocer los restos de les bocamines, l'edificiu de llampistería, pilastres y pontes, escombreres, tolvas-cargaderos de carbón, compresores y planos inclinaos pal arrastre del carbón dende les esplotaciones o pisos de les mines de monte de Los Pontones, nel valle del Ríu de Cervigao.

Apta pa caminaes y bicicletes y accesible pa persones en siella de ruedes.