Antigua piedra de moler

"Siempre habrá nieve altanera que vista el monte de armiño y agua humilde que trabaje en la presa del molino." León Felipe

El molín d' Adela

El molín d’Adela ye un molín fariñeru de maquila, con dos mueles, asitiáu na cabecera d'una ponte de piedra sobre'l ríu Nigru, afluente del ríu Ayer, nel pueblu de Güeria, parroquia de Morea nel conceyu d'Ayer, n'Asturies (España).

Dende va años, los sos propietarios y anguaño l'Asociación "Molín de Adela", trabayen con ilusión nel proyeutu, lo que nos llevó a planteganos el molín, como daqué más qu'un oxetu d'arqueoloxía industrial-etnográfica, pa consideralu como Aula didáctica, como un espaciu pa la conocencia del mundu rural nel que nació y al que tanto aportó.

Como "un llugar" del campu y de l'aldega o pueblu con un fondu venceyamientu emocional pa los seres humanos y como fonte de la nuesa identidá que ta enllenu de significaos y de valores. Poro, los llabores d'espardimientu y conocencia del mesmu tienen de ser una prioridá, y al empar, estes conocencies tienen d'estendese al conxuntu d'elementos felizmente calteníos d'aquella antigua Casería constituyida por una quintana con casa, horru, el prau de siega o llerón, el colmenal, el güertu y de la que tambien formaben parte, el castañéu próximu al pueblu y la cuadra-cabaña del monte.

Nesti sen, la singularidá del proyectu qu'agora presentamos vendría dada por tar inspiráu na idea del “caltenimientu natural", que como conceutu acuñó Carl Sauer, en 1955. Trátase d'un intentu de conservar "les formes de vida al par del caltenimientu de la naturaleza", y supon tamién aceptar "que l'espaciu rural ta ensertu nun nuevu sistema de relaciones ciudad-campu y que les cultures de les comunidaes rurales pueden ser tresmitíes y sopelexaes emplegando los nuevos recursos educativos y les nueves teunoloxíes".

Programación de visitas

  • miércoles 27 de septiembre

    Mayo 2024

    Colegio Público Teodoro Cuesta de Mieres.

  • sábado 30 de diciembre

    Marzo 2024. Instituto Valle de Aller 

El molín: recursu educativu

El Molín d'Adela ye un recursu educativu incluyíu, dende l'añu 2007, na "Guía de recursos educativos" del Principáu d'Asturies, que se da a conocer en visites entamaes a iniciativa de los centros escolares d'Asturies.

Las visitas se puede organizar en:

El Molín

La puesta en marcha y la molienda de la cebera, información sobre la hestoria, el funcionamientu y el nome de caúna de les pieces del molín. El molín y el ríu como espaciu natural y ecolóxicu.

L'Horru

Conocencia de los nomes de les distintes pieces que componen un horru, los usos y les funciones tradicionales.

El Colmenar

Observación de l'actividá de les abeyes nel colmenar, afayar el mundu de les abeyes y conocer los preseos pal so manexu y los productos que se llogren.

La Güerta

Cultivu de los distintos tipos de verdura y hortolices.

Esiste la posibilidá d'ampliar la visita con una Ruta de la Minería pola Sienda Verde del río Negru/ríu Nigru.

La visita al molín, al horru y el restu d'actividaes son accesibles pa persones en sielles de ruedes.

Nel blogue de pecar" del Colexu Públicu Santiago Apóstol de Mieres, vais poder ver un video de la visita que realizaron al molín el 25 de marzu del 2011.