Biodiversidad virtual punto bv
El Molín d'Adela, robló un conveniu cola Asociación Biodiversidá Virtual y ta habilitáu p'actuar como Puntu d'Información sobre diversidá biolóxica. Al traviés de los datos que facilitemos y de los que puedan apurrise poles persones que nos visiten, pretendemos collaborar nun proyectu colectivu que la so finalidá ye consolidar una mayor implicación de toos nel caltenimientu del nuesu mediu natural, cultural y paisaxísticu.
Biodiversidá Virtual ye una plataforma ciudadana qu'arrexunta datos on line de la biodiversidá al traviés de la fotografía dixital georeferenciada.
El manexu d'esta información arrexuntada ríxese al traviés d'un protocolu de seguridá y protección de los datos siguiendo'l principiu de precuru.
Los nuesos oxetivos son:
- Ayudar al desenvolvimientu de la conocencia de la biodiversidá.
- Sopelexar la importancia de biodiversidá.
- Caltener el nuesu patrimoniu natural.
Toos ellos trabayar al traviés de la participación directo y activo ya independiente de la ciudadanía.
- Reximos por un códigu éticu de comportamientu nel mediu natural http://www.biodiversidadvirtual.org/codigo-etico-en-la naturaleza
- El proyectu ye financiáu y xestionáu pola Asociación ensin ánimu d'arriquecimientu Fotografia y Biodiversidá Apuerta equí a los nuesos estatutos http://www.biodiversidadvirtual.org/estatutos
- Pa faete sociu de Fotografía y Biodiversidad http://www.biodiversidadvirtual.org/colaborar
- Pa participar nel proyectu rellena esti formulariu de rexistru pa poder xubir imagen http://www.biodiversidadvirtual.org/insectarium/register.php
Solamente ye necesariu 1 solu rexistru que ye válidu pa la totalidá de toles galeríes…
Pa contactar cola Dirección del Proyectu pa cualquier cuestión, entruga o suxerencia:
http://www.biodiversidadvirtual.org
PUNTOS BV DE INFORMACION SOBRE LA DIVERSIDÁ BIOLÓXICA:
Biodiversidá virtual, dende va un tiempu vien desenvolviendo un ambiciosu proyectu denomináu Puntos BV d'Información sobre la diversidá biolóxica.
Esencialmente consiste en cerrar múltiples y simultáneos alcuerdos de collaboración con Centros d'Interpretación de la Naturaleza, Centros d'Estudios Medioambientales, Aules de la Naturaleza y Centros de Visitantes de paraxes y Reserves naturales de toa España y Portugal.
Estos alcuerdos consisten en:
Per parte del centru en cuestión establecen un puntu d'información con ordenador o ensin él, con unu o dellos ordenadores o con un senciellu cartelu d'avisu onde llamen l'atención a los sos visitantes sobre'l llabor de BV convidándo-yos a que xuban a BV toles imaxes qué puedan faer en dichu centru, reserva, parque o zona.
La plataforma a cambéu tien el compromisu de faer llegar a la organización del espaciu, institución que la xestiona, la consulta a la base de datos de BV correspondiente a les semeyes xubíes polos usuarios que marquen los caxellu “Puntu BV del sitiu X" aspeutu qu'ellos van esplicar a los sos visitantes na esplicación de cómo xubir fotografíes.
Los beneficios pal centru, reserva o zona son claros:
- Infunde mayor interés na so visita a los visitantes.
- Fai-yos partes d'un proyectu y base de datos ciudadana impresionante que-yos fai sentir se útiles.
- Pal centru ye obviu qu'amplía les sos conocencies sobre'l conxuntu del total de la so diversidá biolóxica.
- Establez un nuevu aspeutu de socialización y dinamismu social y participativu colos sos visitantes a costu 0, contribuyendo nun gran proyectu.
- BV como curia de los datos va apurrir los mesmos a la xestión del centru y la propiedá de les semeyes al ser de los sos autores, BV va mediar pa la so cesión per parte de los usuarios que lu faigan espresamente y por escritu so la so responsabilidá, derechu y decisión.
El so conceutu de gratuidá, la so novedá y curiosu converten esti Proyectu nun gran curiosu con enormes posibilidaes de desenvolvimientu, tantu pa los centros como pa Biodiversidá Virtual.
Los PuntosBV ayuden na estratexa de custodia de territoriu:
Fotografía y Biodiversidá, como sociu fundador del Foru Estatal de la Custodia del Territoriu participa d'esta custodia en toos nuesos PuntosBV, apurriendo datos de diversidá. Al traviés d'estos datos vamos poder xenerar cambeos pa consolidar una mayor implicación de toos nel caltenimientu del nuesu mediu natural, cultural y paisaxísticu.