Asociación Molín d'Adela

INSCRITA NEL REXISTRU D'ASOCIACIONES DEL PRINCIPÁU D'ASTURIES COL NÚMBERU 9558 Y EN EL REXISTRU D'ASOCIACIONES DEL CONCEYU D'AYER, NÚMBERU 4177

Casa social: Agueria-Güeria nº33 - 33678

L'asociación tien los siguientes fines:

• El caltenimientu, protección, investigación, arriquecimientu, fomentu, esfrute y espardimientu de la esistencia y actividaes desenvueltes nel molín fariñeru, conocíu como “Molín d'Adela", na so condición de bien integrante del Patrimoniu Cultural d'Asturies, de manera que pueda ser esfrutáu polos ciudadanos y tresmitíu nes meyores condiciones a les xeneraciones futures.
• D'esta forma, dase continuidá y reconocencia, col calter d'asociación, a les actividaes divulgatives y a los trabayos de caltenimientu, protección y de calter educativu y cultural, que dende va años vienen desenvolviéndose nel molín.
• Configurar el molín como una Aula Didáctica, d'inxenios hidráulicos y nel so casu, faer posible, l'usu del mesmu recursu natural, l'agua, como enerxía llimpia y anovable.
• La collaboración coles instituciones públicu y priváu y aguiyar la participación ya integración n'otres asociaciones sociales.
• Dar sofitu a otres iniciatives sociales y a la implicación de los ciudadanos nes actuaciones entorno al patrimoniu cultural.
• Estender l'ámbitu de conocencia y protección del Molín a la so redolada natural y en particular al Ríu, que dexó la vida del Molín, el denomináu Río Negru/Ríu Nigru.
• Favorecer actividaes destinaes a dar a conocer la fonda relación ente'l ríu, el territoriu-paisaxe y la sociedá.
• La custodia y caltenimientu de los documentos mercantil y útil o ferramientes propios de la vida y actividaes del Molín.
• La participación y el desenvolvimientu d'acciones de too tipu, de protección del mediu ambiente y d'educación ambiental, polo xeneral o la de dalgún de los sos elementos en particular.
• Ampliar la conocencia histórica sobre l'actividá del Molín.
• Contribuyir al caltenimientu y meyora de les actividaes y usos agrícoles y forestales venceyaos a la casería de la que forma parte'l molín, según a la conocencia y espardimientu de los valores y tradiciones del mundu rural.
• L'espardimientu de la so esistencia y de les actividaes de l'Asociación pelos mediu telemáticos actuales.

Les instalaciones esistentes y les obres a realizar nel molín y la so redolada van tener siempres presente'l principiu de garantizar l'accesibilidá al mediu físicu en condiciones tendentes a la igualdá de toles persones, sían cualos sían les sos llimitaciones y el calter permanente o transitoriu d'éstes, conforme a les esixencies establecíes en Llei 1/1998 del 5 de mayu, d'accesibilidá y supresión de barreres arquitectóniques, urbanístiques y de la comunicación.